112
فلسطینی بہن بھائیوں سے اظہار یکجہتی کے دن کے موقع پر اپنے پیغام میں وزیراعلیٰ پنجاب مریم نواز کا کہنا ہے کہ فلسطین کا مسئلہ صرف فلسطینیوں کا نہیں بلکہ پوری دنیا کا مسئلہ ہے۔
فلسطینی مظلوم عوام کی حالت زار پر دنیا کی خاموشی انسانیت کیلئے ایک المیہ ہے۔ یہ لوگ اپنے بنیادی حقوق اور اپنی زمین کے تحفظ کیلئے لڑ رہے ہیں۔
وزیراعلیٰ پنجاب کا مزید کہنا تھا کہ پاکستان کی حکومت اور عوام فلسطین کے ساتھ کھڑے ہیں، ہم نے ہمیشہ انکے موقف کی حمایت کی اور آئندہ بھی کرتے رہیں گے۔
مسلم لیگ (ن) نے ہر پلیٹ فارم پر اسرائیلی جارحیت کیخلاف اور فلسطینیوں کے حقوق کے تحفظ کیلئے آواز اٹھائی ہے۔
وزیر اعظم شہباز شریف نے اقوام متحدہ میں فلسطین اور کشمیر کے مسئلے کے حل کا روڈ میپ جاندار انداز میں پیش کیا۔
ان کا مزید کہنا تھا کہ جب تک فلسطینی عوام کی امنگوں کے مطابق اس کا حل نہیں نکلتا دنیا میں امن قائم نہیں ہوسکتا۔
انسانی حقوق کی تنظیموں کو چاہیے کہ فلسطین کے مظلوم عوام کی مدد کیلئے اپنا کردار ادا کریں اور انکے حقوق کا تحفظ یقینی بنائیں۔
