166
ایرانی وزیر خارجہ عباس عراغچی کا کہنا تھا کہ لبنان میں مکمل جنگ ہوئی تو ایران لا تعلق نہیں رہ سکتا، سلامتی کونسل کو امن اور سلامتی کو بحال کرنے کیلئے مداخلت کرنا ہوگی۔
ایرانی وزیر خارجہ نے کہا کہ خطہ بڑے پیمانے پر جنگ کے دہانے پر ہے، اسرائیل تمام ریڈ لائنیں عبور کر چکا ہے، اسرائیل کی قیادت کو سمجھنا چاہیے، کہ انکے جرائم کی سزا ملنی ہے۔
عباس عراغچی کا کہنا تھا کہ ایران، لبنان میں اسرائیلی مظالم اور قبضے کے خلاف دفاع کیلئے حزب اللہ کی حمایت کرتا ہے۔
اقوام متحدہ میں اسرائیلی مندوب کا کہنا تھا کہ اسرائیل لبنان میں سفارتکاری کو اولین ترجیح دے گا، حزب اللہ نے کارروائیاں روکیں تو اسرائیل فوری طور پر رک جائے گا۔
اسرائیلی مندوب نے کہا کہ سفارتکاری ناکام ہوئی تو اسرائیل اپنے تمام ذرائع استعمال کرے گا۔
