اسلام آباد، وفاقی وزیر چوہدری سالک حسین کی سلطنت عمان کے سفیر فہد بن سلیمان بن خلف الخروسی سے ملاقات ہوئی۔
وفاقی وزیر چوہدری سالک حسین اور سلطنت عمان کے سفیر فہد بن سلیمان بن خلف الخروسی کی ملاقات میں پاکستان اور عمان کے تعلقات کو مزید مضبوط اور اسٹریٹجک شراکت داری کو فروغ دینے پر اتفاق کیا گیا۔
ملاقات میں وفاقی وزیر چوہدری سالک حسین نے پاکستان اور عمان کے تاریخی تعلقات کو اہم قرار دیا اور کہا کہ دونوں ممالک کے درمیان مختلف شعبوں میں تعاون کو بڑھانے سے باہمی ترقی اور خوشحالی کے نئے مواقع پیدا ہوں گے۔
عمانی سفیر فہد بن سلیمان بن خلف الخروسی نے اس موقع پر عمان کی جانب سے تعلقات کو مزید مستحکم کرنے کے عزم کا اعادہ کیا اور کہا کہ پاکستان کے ساتھ عمان کی شراکت داری نہ صرف دونوں ممالک کے لیے بلکہ علاقائی استحکام اور ترقی کے لیے بھی ناگزیر ہے۔
دوسری جانب صوبائی وزیر صنعت و تجارت چوہدری شافع حسین نے دورہ گجرات کے تیسرے روز مختلف ترقیاتی منصوبوں کا افتتاح کیا صوبائی وزیر نے سبزی منڈی اور شیخ سکھا کے علاقوں میں واٹر فلٹر یش پلانٹس کا افتتاح کیا۔
چوہدری شافع حسین نے کہاکہ سابق حکمران ٹھیکیداروں سے ترقیاتی منصوبوں میں کمیشن لیتے رہے ،جس سے انفراسٹرکچر تباہ ہوا ہم شفاف طریقے سے ترقیاتی منصوبوں کی تکمیل یقینی بنارہے ہیں۔
