واشنگٹن میں ایران کے خلاف سخت اور متنازع بیانات دینے پر امریکی صدر Donald Trump کو اپنے ہی ملک کے سینیٹرز کی جانب سے سخت ردعمل کا سامنا کرنا پڑا ہے۔ مختلف رہنماؤں نے ان کے بیانات کو غیر ذمہ دارانہ اور خطرناک قرار دیا ہے۔
معروف سینیٹر Bernie Sanders نے ٹرمپ کی دھمکیوں کو تشویشناک قرار دیتے ہوئے کہا کہ صدر کا رویہ خطرناک حد تک غیر متوازن دکھائی دیتا ہے۔ انہوں نے زور دیا کہ کانگریس کو فوری طور پر مداخلت کر کے ممکنہ جنگی صورتحال کو روکنا چاہیے۔
ڈیموکریٹک رہنما Chuck Schumer نے بھی سخت ردعمل دیتے ہوئے کہا کہ ٹرمپ سوشل میڈیا پر غیر سنجیدہ انداز میں بیانات دے رہے ہیں اور ان کے الفاظ کھلے عام جنگی جرائم کی دھمکیوں کے مترادف ہیں۔
امریکی دھمکیوں پر ایران کا سخت ردعمل، “لفاظی شکست کی رسوائی نہیں چھپا سکتی”
اسی طرح سینیٹر Chris Murphy نے امریکی آئین کی 25ویں ترمیم کا حوالہ دیتے ہوئے کہا کہ صدر کے طرز عمل پر سنجیدگی سے غور ہونا چاہیے۔ ان کا کہنا تھا کہ اگر وہ کابینہ کا حصہ ہوتے تو اس ترمیم کے نفاذ پر بات کرتے، جس کے تحت نائب صدر کو اختیارات منتقل کیے جا سکتے ہیں۔
سینیٹرز کے ان بیانات کے بعد امریکی سیاست میں ہلچل بڑھ گئی ہے اور صدر کے مؤقف پر مزید بحث کا آغاز ہو گیا ہے۔
