Donald Trump نے اعلان کیا ہے کہ امریکی طیارہ گرائے جانے کے باوجود Iran کے ساتھ مذاکرات کا سلسلہ جاری رکھا جائے گا اور جنگی صورتحال کے باوجود سفارتی عمل متاثر نہیں ہوگا۔
امریکی صدر کا کہنا تھا کہ موجودہ حالات جنگ کی کیفیت کو ظاہر کرتے ہیں، تاہم اس کے باوجود بات چیت کا دروازہ بند نہیں کیا جائے گا۔ انہوں نے مزید کہا کہ لاپتہ امریکی اہلکار کے حوالے سے فی الحال کچھ کہنا قبل از وقت ہے اور صورتحال واضح ہونے کے بعد ہی آئندہ اقدامات کا فیصلہ کیا جائے گا۔
دوسری جانب ایران نے مذاکرات سے صاف انکار کر دیا ہے۔ ایرانی حکام نے ثالثی کرنے والے ممالک کو آگاہ کیا ہے کہ وہ امریکی مطالبات کسی صورت قبول نہیں کریں گے۔ امریکی میڈیا رپورٹس کے مطابق جنگ بندی کے لیے جاری سفارتی کوششیں تعطل کا شکار ہو چکی ہیں۔
امریکا جلد ایران سے انخلا کرے گا، ممکنہ معاہدے کا عندیہ: ڈونلڈ ٹرمپ
ادھر حالیہ جھڑپوں میں امریکا کو بھاری نقصان کا سامنا کرنا پڑا ہے۔ رپورٹس کے مطابق تین امریکی طیارے مار گرائے گئے جبکہ دو ہیلی کاپٹروں پر بھی حملے کیے گئے۔ ایران نے دعویٰ کیا ہے کہ اس نے A-10 Thunderbolt II طیارہ آبنائے ہرمز کے قریب نشانہ بنایا، تاہم پائلٹ محفوظ رہنے میں کامیاب ہو گیا۔
تجزیہ کاروں کے مطابق ایک جانب مذاکرات جاری رکھنے کا اعلان اور دوسری طرف میدان جنگ میں بڑھتی جھڑپیں اس بات کی نشاندہی کرتی ہیں کہ صورتحال نہایت پیچیدہ اور غیر یقینی ہو چکی ہے۔
