5
ایران کی ایک عدالت نے معروف انسانی حقوق کی کارکن اور نوبیل انعام یافتہ نرگس محمدی کو مزید 6 سال قید کی سزا سنا دی ہے۔ خبر ایجنسی کے مطابق نرگس محمدی کے وکیل کا کہنا ہے کہ عدالت نے انہیں جرائم کی منصوبہ بندی اور ملی بھگت کے الزامات میں قصوروار قرار دیا ہے۔
وکیل کے مطابق عدالتی فیصلے میں نرگس محمدی پر دو سال کے لیے ملک چھوڑنے پر بھی پابندی عائد کی گئی ہے، تاہم اس فیصلے کے خلاف اپیل دائر کرنے کا قانونی حق موجود ہے۔ بتایا گیا ہے کہ نرگس محمدی پہلے ہی مختلف مقدمات میں طویل عرصے سے قید کاٹ رہی ہیں۔
خبر ایجنسی کے مطابق نرگس محمدی ایران میں سزائے موت کے خلاف اور خواتین پر عائد سخت لباس قوانین کے خلاف مسلسل آواز بلند کرتی رہی ہیں، جس کے باعث وہ حکام کی جانب سے دباؤ اور عدالتی کارروائیوں کا سامنا کرتی رہی ہیں۔
