کراچی: مہران ٹاؤن میں واٹر ٹینکر کی ٹکر سے بچہ جاں بحق

کراچی کے علاقے کورنگی مہران ٹاؤن میں ایک واٹر ٹینکر کی ٹکر سے ایک راہ گیر بچہ جان کی بازی ہار گیا۔

حادثے کے بعد ٹینکر کا ڈرائیور فرار ہونے کی کوشش کر رہا تھا، لیکن شہریوں نے اسے پکڑ کر پولیس کے حوالے کر دیا۔ پولیس کے مطابق بچے کی لاش اسپتال منتقل کر دی گئی ہے اور ڈرائیور کے خلاف قانونی کارروائی کی جائے گی۔

رپورٹس کے مطابق، رواں ماہ کے صرف 28 دنوں میں ہیوی ٹریفک حادثات میں جاں بحق ہونے والوں کی تعداد 16 سے زائد ہو چکی ہے، جس سے شہر میں سڑکوں کی حفاظت پر تشویش بڑھ گئی ہے۔