انسدادِ دہشتگردی عدالت نے ایڈووکیٹ ایمان مزاری اور ان کے شوہر ہادی علی کو اسلام آباد ہائیکورٹ کے باہر جھگڑا کیس میں جوڈیشل ریمانڈ پر جیل بھیج دیا۔
جیو نیوز کے مطابق کیس کی سماعت انسدادِ دہشتگردی عدالت کے جج ابوالحسنات ذوالقرنین نے کی۔ سماعت کے بعد عدالت نے دونوں رہنماؤں کو 14 روزہ جوڈیشل ریمانڈ پر جیل بھیجنے کا حکم نامہ جاری کیا۔
واضح رہے کہ گزشتہ روز ایمان مزاری اور ہادی علی کو اسلام آباد ہائیکورٹ بار سے ڈسٹرکٹ کورٹ جاتے ہوئے گرفتار کیا گیا تھا۔ ان کے خلاف ہائیکورٹ کے باہر پیش آنے والے جھگڑے کے معاملے میں مقدمہ درج کیا گیا تھا۔
متنازع ٹویٹس کیس: ایمان مزاری اور ہادی علی چٹھہ گرفتار
عدالت کے فیصلے کے بعد دونوں ملزمان کو متعلقہ جیل منتقل کر دیا گیا ہے اور آئندہ سماعت تک وہ جوڈیشل ریمانڈ پر ہی رہیں گے۔ انسدادِ دہشتگردی عدالت نے کیس کی مزید تفتیش کے لیے ریمانڈ جاری رکھا ہے۔
