13
سعودی عرب میں کھیلے گئے فیسٹول ڈبل وکٹ کرکٹ میچ میں پاکستان نے روایتی حریف بھارت کو سنسنی خیز مقابلے کے بعد 5 رنز سے شکست دے دی۔
شعیب ملک اور عمران نذیر کی قیادت میں پاکستانی ٹیم نے عرفان پٹھان اور اسٹورٹ بنی کی قیادت میں بھارتی ٹیم کو ہرایا۔ میچ میں پاکستان نے پہلے بیٹنگ کرتے ہوئے مقررہ 4 اوورز میں 56 رنز بنائے۔ ہدف کے تعاقب میں بھارتی ٹیم صرف 51 رنز ہی بنا سکی، یوں فتح پاکستان کے نام رہی۔
میچ کے اختتام پر کھلاڑیوں کے درمیان خوشگوار ماحول رہا اور دونوں ٹیموں کے کھلاڑیوں نے مصافحہ اور گلے مل کر کھیل کا جذبہ ظاہر کیا۔
واضح رہے کہ پاکستان نے اس ایونٹ میں پہلے ہی سری لنکا اور متحدہ عرب امارات کو شکست دے کر سیمی فائنل کے لیے کوالیفائی کر لیا ہے۔
