7
ڈی پی او جہلم طارق عزیز سندھو کی خصوصی ہدایات پر ضلع بھر میں پیشہ ور بھکاریوں کے خلاف بھرپور کریک ڈاؤن جاری ہے۔ اسی سلسلے میں تھانہ سٹی پولیس نے کارروائی کرتے ہوئے 03 پیشہ ور بھکاری ملزمان کو گرفتار کر لیا، جن کے خلاف باقاعدہ مقدمات درج کر لیے گئے ہیں۔
ڈی پی او جہلم طارق عزیز سندھو نے کہا کہ پیشہ ور بھکاری نہ صرف مختلف شاہراہوں اور چوک چوراہوں پر کھڑے ہو کر ٹریفک کی روانی کو متاثر کرتے ہیں بلکہ سنگین حادثات کا بھی سبب بنتے ہیں۔ انہوں نے واضح کیا کہ عوام کے جان و مال کے تحفظ کے لیے ایسے عناصر کے خلاف بلاامتیاز کارروائیاں جاری رہیں گی۔
ڈی پی او جہلم نے شہریوں سے اپیل کی ہے کہ وہ پیشہ ور بھکاریوں کی حوصلہ شکنی کریں اور انہیں کسی قسم کی امداد فراہم نہ کریں، تاکہ اس ناسور کا خاتمہ ممکن ہو سکے۔
