لاہور ہائیکورٹ نے عدالت میں تعینات اہلکاروں کے دوران ڈیوٹی موبائل فون کے استعمال پر پابندی عائد کردی ہے تاکہ سیکیورٹی کے انتظامات مزید مضبوط بنائے جا سکیں۔
چیف جسٹس لاہور ہائیکورٹ عالیہ نیلم نے عدالت میں داخل ہونے والے ہر شخص کی مکمل اور جامع تلاشی لینے کے احکامات جاری کیے ہیں۔ انہوں نے کہا کہ عدالت میں سیکیورٹی فول پروف ہونی چاہیے اور کوئی بھی ایسا عمل برداشت نہیں کیا جائے گا جو سیکیورٹی کے اصولوں کے خلاف ہو۔
لاہور ہائیکورٹ کا بڑا فیصلہ، پنجاب پراپرٹی آنرشپ آرڈیننس پر عملدرآمد روک دیا
ایس پی ہائیکورٹ سیکیورٹی نے بتایا کہ دوران ڈیوٹی موبائل استعمال کرنے والے اہلکاروں کے خلاف کارروائی کی جائے گی اور تمام سیکیورٹی اہلکاروں سے موبائل فونز واپس لے لیے گئے ہیں تاکہ مزید کسی قسم کی خلاف ورزی نہ ہو۔ یہ اقدامات عدالت میں داخل ہونے والے افراد اور عملے کی حفاظت کو یقینی بنانے کے لیے کیے گئے ہیں۔
