119
خیبر پختونخوا، ہری پور میں آسمانی بجلی گرنے سے 25 سالہ نوجوان جان کی بازی ہار گیا۔
دلخراش واقعے کی اطلاع ملتے ہی ہری پور کے مقامی افراد موقع پر پہنچے جبکہ ریسکیو اور پولیس بھی جائے وقوعہ پر پہنچ گئی۔
ریسکیو حکام کے مطابق جاں بحق ہونے والے نوجوان کی شناخت راجہ وقاص ولد محمد اسلم مرحوم کے نام سے کی گئی ہے۔
ریسکیو ذرائع کا کہنا ہے کہ نعش کو ٹراما سنٹر ہری پور منتقل کر دیا گیا ہے۔
دوسری جانب لاہور میں ایف سی پلی کے قریب نامعلوم موٹر سائیکل سواروں کی کار پر فائرنگ، فائرنگ سے کار سوار جاوید بٹ موقع پر دم توڑ گیا۔
لاہور میں امیر بالاج قتل کیس کے ملزم طیفی بٹ کے بہنوئی، جاوید بٹ، کو نامعلوم حملہ آوروں نے فائرنگ کر کے قتل کر دیا، جبکہ ان کی اہلیہ بھی فائرنگ کی زد میں آکر زخمی ہو گئیں۔
پولیس کے مطابق، نامعلوم شوٹرز نے کینال روڈ پر جاوید بٹ کی گاڑی کا تعاقب کیا اور موقع ملنے پر فائرنگ کر دی۔
