لالہ موسیٰ سرکل پولیس نے ناجائز اسلحہ برداروں اور منشیات فروشوں کے خلاف مؤثر کارروائیاں کرتے ہوئے 10 لیٹر شراب، ایک رائفل 12 بور اور ایک پسٹل 30 بور برآمد کر کے 3 ملزمان کو گرفتار کر لیا۔
تفصیلات کے مطابق ڈی پی او گجرات رانا عمر فاروق کی ہدایات پر اور ڈی ایس پی لالہ موسیٰ سرکل چوہدری احسان ظفر سندھو کی زیر نگرانی لالہ موسیٰ سرکل پولیس کی جانب سے جرائم پیشہ عناصر کے خلاف کارروائیاں جاری ہیں۔
ایس ایچ او تھانہ سٹی لالہ موسیٰ عنصر محمود نے ثقلین حیدر اے ایس آئی اور دیگر پولیس ٹیم کے ہمراہ کارروائی کرتے ہوئے ملزم علی حسن ساکن قاضیاں کو گرفتار کر کے 10 لیٹر شراب برآمد کی، جبکہ ایک اور کارروائی میں ملزم رضوان ساکن نندوال سے رائفل 12 بور برآمد کر لی گئی۔
دوسری جانب ایس ایچ او تھانہ صدر لالہ موسیٰ انسپکٹر فہد الرحمن نے عظمت علی اے ایس آئی کے ہمراہ کارروائی کرتے ہوئے ناجائز اسلحہ رکھنے والے ملزم حسن ساکن قصبہ کو گرفتار کر کے پسٹل 30 بور برآمد کیا۔
گرفتار ملزمان کے خلاف متعلقہ تھانوں میں مقدمات درج کر لیے گئے ہیں۔ ترجمان گجرات پولیس کے مطابق جرائم کے خاتمے کے لیے ایسی کارروائیاں آئندہ بھی بلا تعطل جاری رہیں گی۔
