39
پانچ سالہ آئینی مدت پوری ہونے کے بعد گلگت بلتستان اسمبلی کو باضابطہ طور پر تحلیل کر دیا گیا ہے، جبکہ جسٹس ریٹائرڈ یار محمد ناصر کو نگران وزیرِاعلیٰ کے طور پر تعینات کر دیا گیا ہے۔
جی بی حکومت کی آئینی مدت رات 12 بجے مکمل ہونے کے ساتھ ہی انتظامی معاملات نگراں سیٹ اپ کے سپرد کر دیے گئے۔ وزیرِاعظم نے بطور چیئرمین گلگت بلتستان کونسل نگران وزیرِاعلیٰ کے لیے جسٹس (ر) یار محمد ناصر کی تقرری کی منظوری دی، جس کے بعد کابینہ ڈویژن نے باضابطہ نوٹیفکیشن جاری کر دیا۔
نگراں حکومت ہی آنے والے گلگت بلتستان اسمبلی کے انتخابات کرائے گی، جبکہ آئندہ الیکشن وفاقی الیکشن ایکٹ 2017 کے تحت منعقد کیے جائیں گے۔
دوسری جانب الیکشن کمیشن نے طلال چوہدری کے بھائی کی کامیابی کا نوٹیفکیشن روکنے کا فیصلہ بھی جاری کیا ہے۔
