7
لاہور: آسٹریلیا کے ون ڈے سیریز کے لیے پاکستان کے دورے میں ردو بدل کا امکان ہے۔
ذرائع کے مطابق تین ون ڈے میچز کی سیریز شیڈول کے مطابق مارچ میں ہونے کا امکان نہیں رہا اور پاکستان اور آسٹریلیا کے کرکٹ بورڈز کے درمیان سیریز کو ری شیڈول کرنے کے لیے بات چیت جاری ہے۔
تین ون ڈے میچز کی سیریز اب ممکنہ طور پر پی ایس ایل کے بعد کھیلی جائے گی۔ اصل شیڈول کے مطابق یہ سیریز 13 سے 19 مارچ تک ہونی تھی۔
ذرائع نے بتایا کہ آسٹریلیا کی ٹیم ٹی ٹوئنٹی ورلڈ کپ سے قبل ٹی ٹوئنٹی سیریز کھیلنے کے لیے پاکستان آئے گی۔ پاکستان اور آسٹریلیا کے درمیان تین ٹی ٹوئنٹی میچز کی سیریز 30 جنوری سے 5 فروری تک شیڈول کی گئی ہے۔
