9
ایبٹ آباد کے علاقے بیرن گلی کے قریب مسافر وین گہری کھائی میں گرنے سے باپ اور بیٹے سمیت پانچ افراد جان کی بازی ہار گئے، جبکہ ایک شخص زخمی ہوگیا۔
ریسکیو ذرائع کے مطابق حادثہ اس وقت پیش آیا جب مسافر وین راستے میں بے قابو ہوکر کھائی میں جا گری۔ واقعے کی اطلاع ملتے ہی ریسکیو ٹیمیں فوری طور پر جائے حادثہ کی جانب روانہ ہوئیں اور امدادی کارروائیاں شروع کیں۔
ریسکیو اہلکاروں نے بتایا کہ حادثے کے نتیجے میں پانچ افراد موقع پر ہی جاں بحق ہوگئے، جبکہ زخمی شخص کو اسپتال منتقل کردیا گیا ہے۔ حادثے کی مزید تحقیقات جاری ہیں۔
