5
ڈپٹی کمشنر گجرات نورالعین کی تجویز پر وزیر اعلیٰ پنجاب محترمہ مریم نواز شریف نے ٹانڈہ میں لیڈیز اینڈ چلڈرن پارک کے قیام کی منظوری دے دی ہے۔
اس سلسلے میں آج ڈپٹی کمشنر گجرات نورالعین نے اے ڈی سی فنانس اینڈ پلاننگ ذوالفقار احمد، ضلع کونسل کے نمائندوں اور دیگر متعلقہ افسران کے ہمراہ مجوزہ جگہ کا دورہ کیا اور پارک کے مجوزہ نقشے اور سہولیات کا جائزہ لیا۔
انتظامیہ کے مطابق لیڈیز اینڈ چلڈرن پارک کے منصوبے کے لیے ٹینڈر جلد جاری کر دیا جائے گا، جس کے بعد تعمیری کام مرحلہ وار شروع کیا جائے گا۔ پارک میں خواتین اور بچوں کے لیے تفریحی سہولیات، بیٹھنے کے مقامات اور دیگر بنیادی سہولیات فراہم کی جائیں گی۔
ضلع انتظامیہ کا کہنا ہے کہ اس منصوبے کا مقصد خواتین اور بچوں کے لیے صحت مند، محفوظ اور خاندانی تفریحی ماحول فراہم کرنا ہے۔
