اسرائیلی فضائی جارحیت کے نتیجے میں جنوبی لبنان کے ایک فلسطینی پناہ گزین کیمپ پر حملے میں 13 افراد شہید اور متعدد زخمی ہوگئے۔ بین الاقوامی خبر رساں اداروں کے مطابق جنگ بندی کے باوجود اسرائیلی کارروائیوں کا سلسلہ تھم نہیں سکا۔
عرب میڈیا کا کہنا ہے کہ حملہ ایسے وقت میں کیا گیا جب اسرائیلی فوج جنوبی غزہ کے رفح اور خان یونس کے مختلف علاقوں میں بھی فضائی بمباری جاری رکھے ہوئے ہے۔ اس سے قبل مشرقی غزہ شہر میں بھی قابض فوج نے کئی گھروں کو نشانہ بنایا۔
دوسری جانب مقبوضہ مغربی کنارے میں بھی اسرائیلی فورسز کے چھاپوں میں تیزی آگئی ہے۔ جنین، طوباس، بیت لحم اور الخلیل میں فوجی کارروائیاں جاری ہیں۔ الخلیل کے قریب بیت عمر میں ایک گھر پر دھاوا بول کر اہل خانہ کو تشدد کے بعد باہر نکال دیا گیا اور مکان کا مرکزی دروازہ سیل کردیا گیا۔ جنین کے قریب الیامون میں 14 سالہ لڑکے کو گھر کے اندر گولی مار دی گئی، جسے تشویشناک حالت میں اسپتال منتقل کیا گیا۔
اقوام متحدہ کی سلامتی کونسل میں ٹرمپ کے غزہ منصوبے کی حمایت میں قرارداد منظور
واضح رہے کہ اکتوبر 2023 سے جاری اسرائیلی حملوں میں اب تک کم از کم 69,483 فلسطینی شہید اور 170,706 زخمی ہو چکے ہیں۔
