7
ڈپٹی کمشنر نورالعین نے عزیز بھٹی شہید ٹیچنگ ہسپتال میں خسرہ اور روبیلا ویکسینیشن مہم کا باضابطہ افتتاح کر دیا۔
افتتاحی تقریب میں سی ای او ہیلتھ ڈاکٹر عطاء المنعم، ایم ایس ڈاکٹر رانا امتیاز احمد، ڈاکٹرز اور پیرامیڈیکل عملہ بھی موجود تھا۔
محکمہ صحت کے مطابق یہ ویکسینیشن مہم 15 سے 27 نومبر تک ضلع بھر میں جاری رہے گی، جس کے دوران 9 ماہ سے 15 سال کی عمر کے تمام بچوں کو خسرہ و روبیلا سے بچاؤ کی ویکسین لگائی جائے گی۔
ڈپٹی کمشنر نے مہم کے انتظامات کا جائزہ لیا اور صحت عملے کی کارکردگی کو سراہتے ہوئے کہا کہ بچوں کو بیماریوں سے محفوظ رکھنے کے لیے والدین تعاون یقینی بنائیں۔
