اسلام آباد میں خودکش حملہ آور غیر ملکی تھا: طلال چوہدری

اسلام آباد: وزیر مملکت برائے داخلہ طلال چوہدری نے کہا ہے کہ اسلام آباد میں ہونے والا خودکش حملہ پاکستانی نہیں تھا۔

طلال چوہدری نے بتایا کہ وانا اور اسلام آباد کے حملوں کے شواہد کی بنیاد پر بھارت اور افغانستان کے نام سامنے آئے ہیں۔ انہوں نے مزید کہا کہ حاصل شدہ معلومات ثالثوں کے ساتھ بھی شیئر کی جائیں گی۔

طلال چوہدری نے خیبر پختونخوا حکومت پر زور دیا کہ وہ وفاق کے ساتھ مکمل ہم آہنگی سے کام کرے اور کہا کہ سہیل آفریدی نے کبھی یہ نہیں کہا کہ وہ دہشتگردی کے معاملات پر اپنے لیڈر سے ملاقات کرنا چاہتے ہیں۔ انہوں نے یہ بھی کہا کہ وانا اور اسلام آباد کے حملہ آوروں کے خلاف کارروائی کے لیے کسی ملاقات کی ضرورت نہیں ہے۔

واضح رہے کہ 2 روز قبل اسلام آباد کے جی الیون سیکٹر میں کچہری کے قریب خودکش دھماکے میں 12 افراد شہید اور متعدد زخمی ہوئے تھے۔