157
چندرائے کے علاقے میں انسداد پولیو مہم کے دوران ایک سنگین واقعہ پیش آیا جب چند خواتین نے پولیو ورکر پر حملہ کر دیا اور اس کا سر پھاڑ دیا۔ پولیس کے مطابق واقعے میں تین خواتین ملوث تھیں، جنہیں گرفتار کر لیا گیا ہے۔
پولیس کے مطابق ایک خاتون نے اپنے بچوں کو پولیو کے قطرے پلانے سے انکار کیا۔ جب پولیو ورکر نے انہیں سمجھانے کی کوشش کی تو خاتون نے اپنی دو بیٹیوں کے ساتھ مل کر پولیو ورکر پر حملہ کیا۔ حملے کے دوران پولیو ورکر کو اینٹیں بھی ماری گئیں جس سے وہ شدید زخمی ہو گئی۔
کوٹ لکھپت پولیس نے واقعے کا مقدمہ درج کر کے ملزمہ ثمینہ بی بی اور اس کی دو بیٹیوں کو گرفتار کر لیا ہے۔ پولیس مزید تحقیقات کر رہی ہے تاکہ حملے کے محرکات اور دیگر ممکنہ ملوث افراد کا تعین کیا جا سکے۔
