66
لاہور میں معروف ادبی شخصیت ڈاکٹر عارفہ سیدہ زہرا انتقال کر گئیں۔
پاکستانی ڈراما نویس، مصنف اور شاعر اصغر ندیم سید نے ان کے انتقال کی تصدیق کرتے ہوئے گہرے دُکھ اور افسوس کا اظہار کیا۔ انہوں نے بتایا کہ ڈاکٹر عارفہ سیدہ زہرا کا انتقال لاہور میں ہوا اور نماز جنازہ کا اعلان بعد میں کیا جائے گا۔
عارفہ سیدہ زہرا نے ایم اے اردو کی ڈگری گورنمنٹ کالج لاہور سے حاصل کی جبکہ ایسٹ ویسٹ سینٹر، یونیورسٹی آف ہوائی سے تاریخ میں ڈاکٹریٹ کی ڈگری حاصل کی۔
بعد ازاں وہ 1986 تا 2009 تک گورنمنٹ کالج فار ویمن گلبرگ لاہور کی پرنسپل رہیں۔
عارفہ سیدہ زہرا کو 7 زبانوں پر عبور حاصل تھا اور وہ تعلیمی، انتظامی، سماجی اور ثقافتی کمیٹیوں کی رُکن بھی رہ چکی ہیں۔
