مولانا فضل الرحمان دبئی روانہ، بیٹے اسعد محمود بھی ہمراہ

جمعیت علماء اسلام (ف) کے سربراہ مولانا فضل الرحمان بیرون ملک روانہ ہوگئے ہیں۔

ذرائع کے مطابق مولانا فضل الرحمان غیر ملکی ایئرلائن کی پرواز کے ذریعے کراچی سے دبئی گئے۔ ان کے ہمراہ ان کے بیٹے اور سابق وفاقی وزیر اسعد محمود بھی موجود تھے۔

تاہم مولانا فضل الرحمان کے دورے کے مقصد کے حوالے سے تاحال کوئی سرکاری بیان جاری نہیں کیا گیا۔ پارٹی ذرائع کے مطابق یہ سفر نجی نوعیت کا ہے۔