ڈی پی او گجرات رانا عمر فاروق کا تھانہ کنجاہ کا دورہ

ڈسٹرکٹ پولیس آفیسر (ڈی پی او) گجرات رانا عمر فاروق نے تھانہ کنجاہ کا دورہ کیا اور وہاں کے انتظامی امور کا تفصیلی جائزہ لیا۔

یہ بھی پڑھیں

دورانِ انسپکشن، ڈی پی او نے تھانے کے ریکارڈ، فرنٹ ڈیسک، حوالات، صفائی ستھرائی اور افسران و ملازمین کی حاضری چیک کی۔

انہوں نے ڈیوٹی پر موجود پولیس اہلکاروں سے ملاقات کی اور سیکیورٹی انتظامات کے ساتھ ساتھ تھانے کے مختلف حصوں کا معائنہ بھی کیا۔

ڈی پی او گجرات نے اس موقع پر تھانے میں موجود شہریوں کے مسائل سنے اور ان کے فوری حل کے لیے موقع پر ہی احکامات جاری کیے۔

انہوں نے پولیس اہلکاروں کو ہدایت دی کہ شہریوں کے ساتھ خوش اخلاقی سے پیش آئیں اور ان کے مسائل ترجیحی بنیادوں پر حل کیے جائیں۔

شیئر کریں: