349
گجرات: جھنڈیوال کے قریب اسکول بس حادثے میں 9 بچے زخمی ہوگئے جنہیں فوری طور پر عزیز بھٹی شہید ٹیچنگ اسپتال منتقل کیا گیا۔
ہسپتال انتظامیہ کے مطابق ایم ایس ڈاکٹر رانا امتیاز کی زیرِ نگرانی بچوں کو فوری طبی امداد فراہم کی گئی، تمام ضروری ٹیسٹ اور ابتدائی علاج کے بعد چند بچوں کو ڈسچارج کردیا گیا جبکہ باقی بچوں کا علاج تاحال جاری ہے۔
حادثے کی اطلاع ملتے ہی ڈپٹی کمشنر نورالعین قریشی اسپتال پہنچ گئیں اور زخمی بچوں کی عیادت کی۔ انہوں نے میڈیکل عملے کو علاج معالجے میں کسی قسم کی کوتاہی نہ برتنے کی ہدایت کی۔
اہلیانِ گجرات نے ڈپٹی کمشنر نورالعین قریشی، ایم ایس ڈاکٹر رانا امتیاز اور ان کی ٹیم کا شکریہ ادا کرتے ہوئے کہا کہ انہوں نے گجرات کے بچوں کی دیکھ بھال اپنے بچوں کی طرح کی۔
