39
وزیر مملکت برائے داخلہ طلال چوہدری نے کہا ہے کہ وزیراعلیٰ خیبر پختونخوا سہیل آفریدی جس مقصد کے لیے آئے ہیں، وہ اسے پورا کرنے سے پہلے ہی فارغ ہو جائیں گے۔
جیو نیوز کے پروگرام جرگہ میں گفتگو کرتے ہوئے طلال چوہدری نے دعویٰ کیا کہ سہیل آفریدی نہ صرف خود جائیں گے بلکہ پاکستان تحریک انصاف (پی ٹی آئی) کو بھی اپنے ساتھ لے کر جائیں گے۔
انہوں نے حکومت کی جانب سے بانی پی ٹی آئی عمران خان کو بنی گالا منتقل کرنے سے متعلق ڈیل کی خبروں کی سختی سے تردید کی۔ ان کا کہنا تھا کہ اگر پی ٹی آئی دن کے اجالے میں تحریری طور پر یہ کہے کہ وہ بنی گالا یا نتھیا گلی منتقل ہونا چاہتے ہیں تو حکومت غور کر سکتی ہے۔
خیبر پختونخوا میں گورنر راج کا امکان مسترد، طلال چوہدری کا دوٹوک اعلان
طلال چوہدری نے مزید کہا کہ ریاست کے لیے عمران خان اور ان کے ساتھیوں کی تمام بلیک میلنگ دراصل ایک مبینہ ڈیل کے حصول کی کوشش ہے۔
