پاکستان کرکٹ بورڈ نے جنوبی افریقہ کے خلاف وائٹ بال سیریز کے لیے اسکواڈز کا اعلان کر دیا ہے۔ قومی ٹیم نے ٹی ٹوئنٹی کے لیے 15 رکنی جبکہ ون ڈے سیریز کے لیے 16 رکنی اسکواڈ منتخب کیا ہے۔ یہی اسکواڈز آئندہ سہ فریقی سیریز اور سری لنکا کے خلاف ون ڈے سیریز کے لیے بھی برقرار رہیں گے۔
سابق کپتان بابر اعظم اور فاسٹ بولر نسیم شاہ کی ٹی ٹوئنٹی اسکواڈ میں واپسی ہوئی ہے۔ بابر اعظم نے اپنا آخری ٹی ٹوئنٹی میچ 13 دسمبر 2024ء کو جنوبی افریقہ کے خلاف کھیلا تھا۔
ٹی ٹوئنٹی ٹیم کی قیادت سلمان علی آغا کریں گے، جبکہ ون ڈے ٹیم کی کپتانی شاہین شاہ آفریدی کے سپرد کی گئی ہے۔
پاکستان اور جنوبی افریقہ کے درمیان ٹی ٹوئنٹی سیریز 28 اکتوبر سے یکم نومبر تک کھیلی جائے گی، جبکہ ون ڈے سیریز فیصل آباد میں 4 سے 8 نومبر تک جاری رہے گی۔
اس کے بعد پاکستان، سری لنکا اور زمبابوے کے درمیان تین ملکی ٹی ٹوئنٹی سیریز 17 سے 29 نومبر تک راولپنڈی اور لاہور میں کھیلی جائے گی۔
اسی دوران پاکستان اور سری لنکا کے درمیان ون ڈے سیریز 11 سے 15 نومبر کو راولپنڈی میں ہوگی۔
بابر اعظم نے ورلڈ ٹیسٹ چیمپئن شپ میں 3 ہزار رنز مکمل کرکے نیا اعزاز حاصل کرلیا
نئے کھلاڑی عثمان طارق پہلی مرتبہ ٹی ٹوئنٹی اسکواڈ میں شامل کیے گئے ہیں، جبکہ عبدالصمد، بابر اعظم اور نسیم شاہ کی بھی ٹی ٹوئنٹی ٹیم میں واپسی ہوئی ہے۔
ون ڈے اسکواڈ میں فیصل اکرم، حارث رؤف اور حسیب اللّٰہ کی واپسی ہوئی ہے۔
ٹی ٹوئنٹی اسکواڈ
سلمان علی آغا (کپتان)، عبدالصمد، ابرار احمد، بابر اعظم، فہیم اشرف، حسن نواز، محمد نواز، محمد وسیم جونیئر، محمد سلمان مرزا، نسیم شاہ، صاحبزادہ فرحان (وکٹ کیپر)، صائم ایوب، شاہین شاہ آفریدی، عثمان خان (وکٹ کیپر) اور عثمان طارق۔
ریزرو کھلاڑی: فخر زمان، حارث رؤف، سفیان مقیم۔
ون ڈے اسکواڈ
شاہین شاہ آفریدی (کپتان)، ابرار احمد، بابر اعظم، فہیم اشرف، فیصل اکرم، فخر زمان، حارث رؤف، حسیب اللّٰہ، حسن نواز، حسین طلعت، محمد نواز، محمد رضوان (وکٹ کیپر)، محمد وسیم جونیئر، نسیم شاہ، صائم ایوب اور سلمان علی آغا۔
