7
لاہور: وزیراعلیٰ پنجاب مریم نواز نے ٹریفک وارڈنز کی وردی تبدیل کرنے کے فیصلے کو واپس لے لیا ہے، جس کے بعد پنجاب بھر میں وارڈنز موجودہ یونیفارم ہی استعمال کرتے رہیں گے۔
میڈیا رپورٹس کے مطابق، چار ماہ قبل مریم نواز نے ٹریفک وارڈنز کی یونیفارم میں تبدیلی کی ہدایت کی تھی۔ اس حکم کے تحت نئے ڈیزائن پر کام کیا گیا اور ایک نیا یونیفارم تیار کرکے حال ہی میں وزیراعلیٰ کو پیش کیا گیا۔
تاہم، وزیراعلیٰ نے دونوں وردیاں دیکھنے کے بعد فیصلہ کیا کہ موجودہ یونیفارم ہی بہتر ہے، لہٰذا اسے جاری رکھا جائے گا۔ اس فیصلے کے بعد ٹریفک حکام نے موجودہ یونیفارم کی نئی خریداری کے لیے تیاری شروع کر دی ہے۔
ذرائع کے مطابق، لاہور سمیت پنجاب بھر کے وارڈنز کے لیے تقریباً 14 ہزار نئے یونیفارم اور متعلقہ اسسریز خریدی جائیں گی۔ اس مقصد کے لیے حکومت نے آٹھ کروڑ روپے کے فنڈز مختص کیے ہیں۔
یہ اقدام مالی بچت اور عملی ضروریات کو مدنظر رکھتے ہوئے کیا گیا ہے، تاکہ ٹریفک نظام میں تسلسل اور مستقل مزاجی برقرار رکھی جا سکے۔
