اسلام آباد: اسلام آباد ہائی کورٹ میں اڈیالہ جیل کے ایک قیدی نے درخواست دائر کی ہے جس میں اس نے بانی پاکستان تحریک انصاف عمران خان جیسی جیل سہولیات فراہم کرنے کی استدعا کی ہے۔
عدالت نے جیل سپرٹیڈنٹ سمیت دیگر متعلقہ فریقین کو نوٹس جاری کر دیے ہیں اور کیس کو لارجر بنچ میں مقرر کرنے کے لیے فائل چیف جسٹس کو بھیج دیا گیا ہے۔
جسٹس اعظم خان نے 2 صفحات پر مشتمل تحریری حکم نامہ جاری کیا، جس میں کہا گیا کہ سپرٹیڈنٹ اڈیالہ جیل درخواست پر پیرائی وائز کمنٹس جمع کرائیں۔ عدالت نے مزید کہا کہ جیسے عمران خان کے ملاقاتوں کے کیسز کی سماعت لارجر بینچ کر رہا ہے، اسی طرح یہ کیس بھی لارجر بینچ میں بھیجا جا رہا ہے اور چیف جسٹس مناسب سمجھیں تو اس پر سماعت کر سکتے ہیں۔
اڈیالہ جیل میں 148 قیدی ایڈز سے متاثر، پنجاب بھر کی جیلوں میں خطرناک صورتحال
قیدی نے عدالت سے درخواست کی ہے کہ اسے خصوصی سہولیات فراہم کی جائیں جیسا کہ عمران خان کو جیل میں مہیا کی گئی ہیں۔
