12
کراچی میں بڑے پیمانے پر مردہ مرغیوں کا گوشت ہوٹلوں، فاسٹ فوڈ اور بریانی سینٹرز پر سپلائی کیے جانے کا انکشاف ہوا ہے۔
جیو نیوز کے مطابق گلبرگ پولیس نے موسیٰ کالونی ریلوے پھاٹک کے قریب کارروائی کرتے ہوئے 80 کلو مردہ مرغی کا گوشت برآمد کیا اور اس سلسلے میں 2 ملزمان کو گرفتار کیا گیا۔ گرفتار افراد کے خلاف مقدمہ درج کر لیا گیا ہے۔
پولیس کے مطابق اطلاع ملی تھی کہ ایک گودام میں مردہ مرغیوں کا گوشت موجود ہے اور ملزمان اس کی ترسیل کے لیے تیاریاں کر رہے تھے۔ پولیس نے فوری طور پر سندھ فوڈ کنٹرول اتھارٹی کو اطلاع دی اور کارروائی کی۔
حکام نے بتایا کہ ملزمان مردہ مرغی کا گوشت فاسٹ فوڈ سینٹرز، بریانی سینٹرز اور ہوٹلوں کو سپلائی کرتے تھے جبکہ ملزمان سے مزید تفتیش جاری ہے۔
