سرگودھا میں بس میں خاتون کو ہراساں کرنے والے ہائی وے پیٹرولنگ پولیس کے اہلکار کو گرفتار کر لیا گیا۔
تفصیلات کے مطابق واقعہ نارووال چوک مرید کے کے قریب پیش آیا، جہاں ہائی وے پیٹرولنگ پولیس کے ایک اہلکار نے بس میں خاتون سے چھیڑ چھاڑ کی۔ واقعے کی ویڈیو سوشل میڈیا پر وائرل ہونے کے بعد پولیس نے فوری کارروائی کرتے ہوئے ملزم کو گرفتار کر لیا۔
وزیر اعلیٰ پنجاب مریم نواز نے سوشل میڈیا پلیٹ فارم ایکس پر گرفتار اہلکار کی حوالات میں لی گئی تصویر شیئر کرتے ہوئے لکھا:
"گرفتار! ہراسمنٹ کے لیے زیرو ٹالرنس۔”
Arrested ! Zero tolerance for harassment. https://t.co/d2AcM9dvRu pic.twitter.com/ltGNPQxOTq
— Maryam Nawaz Sharif (@MaryamNSharif) October 18, 2025
دوسری جانب بہاولپور کے علاقے یزمان میں بھی خواتین کو ہراساں کرنے والے ایک اور شخص کو پولیس نے گرفتار کر لیا۔ سی سی ڈی پنجاب کے مطابق ملزم پولیس کو دیکھ کر فرار ہونے کی کوشش میں تیز رفتاری کے باعث درخت سے ٹکرا کر زخمی ہوگیا، جسے حراست میں لے کر مقدمہ درج کر لیا گیا ہے۔
