6
اسلام آباد: سابق سینیٹر مشتاق احمد خان نے اپوزیشن اتحاد تحریک تحفظ آئین پاکستان میں شمولیت کی دعوت قبول کرلی ہے۔
ذرائع کے مطابق تحریک تحفظ آئین پاکستان کی قیادت نے اسلام آباد میں سابق سینیٹر مشتاق احمد خان سے ان کی رہائش گاہ پر ملاقات کی۔ ملاقات کرنے والے وفد کی سربراہی محمود خان اچکزئی اور علامہ راجہ ناصر عباس نے کی۔
اعلامیے کے مطابق وفد نے مشتاق احمد خان کو عالمی صمود فلوٹیلا کا حصہ بننے پر مبارکباد دی اور انہیں باضابطہ طور پر تحریک تحفظ آئین پاکستان میں شمولیت کی دعوت دی۔
اعلامیے میں مزید کہا گیا ہے کہ سابق سینیٹر مشتاق احمد خان نے اپوزیشن اتحاد میں شمولیت کی دعوت قبول کرلی ہے اور وہ جلد ہی اپنی شمولیت کا باضابطہ اعلان کریں گے۔
