دنیا کے طاقتور ترین پاسپورٹس کی حالیہ درجہ بندی میں ایک حیران کن تبدیلی دیکھنے کو ملی ہے، جہاں تاریخ میں پہلی بار امریکا کا پاسپورٹ ٹاپ 10 فہرست سے باہر ہو گیا ہے۔
ہینلے پاسپورٹ انڈیکس کے مطابق، امریکی پاسپورٹ اب 12ویں نمبر پر پہنچ گیا ہے۔ اس انڈیکس میں ممالک کی درجہ بندی اس بنیاد پر کی جاتی ہے کہ ان کے شہری کتنے ممالک میں بغیر ویزا یا ویزا آن ارائیول کے سفر کر سکتے ہیں۔
رپورٹ کے مطابق
- سنگاپور 193 ممالک میں ویزا فری رسائی کے ساتھ پہلے نمبر پر ہے
- جنوبی کوریا دوسرے نمبر پر
- جاپان تیسرے نمبر پر ہے
امریکی شہری اب صرف 180 ممالک میں ویزا فری یا ویزا آن ارائیول کے تحت داخل ہو سکتے ہیں، جب کہ دنیا کے 227 ممالک میں سے یہ تعداد اس کی سابقہ رسائی سے کم ہے۔
پاکستانی پاسپورٹ کی عالمی درجہ بندی میں مزید تنزلی
امریکی پاسپورٹ کی زوال پذیر حیثیت کی وجوہات
رپورٹ کے مطابق، امریکی پاسپورٹ کی گرتی ہوئی پوزیشن کی کئی وجوہات ہیں، جن میں نمایاں ہیں:
- برازیل نے اپریل میں امریکا، کینیڈا اور آسٹریلیا کے شہریوں کے لیے ویزہ فری رسائی ختم کر دی
- چین نے جرمنی اور فرانس جیسے یورپی ممالک کو ویزہ فری رسائی دی، مگر امریکا کو نہیں
- پاپوا نیو گنی، میانمار، صومالیہ اور ویتنام کی نئی پالیسیوں نے بھی امریکا کو فائدہ نہیں دیا
دیگر ممالک کی پیش رفت
- چین نے 2015 سے اب تک 37 نئے ممالک میں ویزا فری رسائی حاصل کی اور 94 ویں پوزیشن سے 64ویں نمبر تک آ پہنچا
- متحدہ عرب امارات (UAE) نے 10 سال میں بڑی پیش رفت کی، 42ویں پوزیشن سے 8ویں نمبر تک پہنچ گیا
- برطانیہ بھی زوال کا شکار ہوا، اور اب 6ویں سے 8ویں پوزیشن پر آ گیا ہے
سب سے کمزور پاسپورٹ
رپورٹ میں افغانستان کو بدستور دنیا کا سب سے کمزور پاسپورٹ قرار دیا گیا ہے، جس کے شہری صرف 24 ممالک میں بغیر ویزا کے داخل ہو سکتے ہیں۔
