جہلم میں موسم سرما کا آغاز ہوتے ہی گیس پریشر مکمل طور پر غائب ہو گیا

جہلم میں موسم سرما کا آغاز ہوتے ہی گیس پریشر مکمل طور پر غائب ہو گیا، گیس کی اعلانیہ و غیر اعلانیہ بندش نے شہریوں کی زندگی اجیرن بنا دی۔

گھریلو صارفین کو کھانے پکانے میں شدید مشکلات کا سامنا ہے جبکہ صبح اور شام کے اوقات میں چولہے مکمل طور پر بجھ جاتے ہیں۔

سردیوں کی آمد کے ساتھ ہی گیس پریشر میں کمی اور بار بار کی بندش نے شہریوں کو سخت اذیت میں مبتلا کر دیا ہے۔ شہریوں کا کہنا ہے کہ گیس نہ ہونے سے روزمرہ امور متاثر ہو رہے ہیں، اور متبادل ذرائع جیسے ایل پی جی اور لکڑی کی قیمتوں میں بھی اضافہ ہو چکا ہے۔

شہریوں نے سوئی نادرن گیس پائپ لائنز لمیٹڈ کے حکام سے مطالبہ کیا ہے کہ وہ فوری طور پر جہلم میں گیس کی فراہمی کو یقینی بنائیں اور اعلانیہ و غیر اعلانیہ لوڈشیڈنگ کے بحران پر قابو پا کر عوام کو اس اذیت سے نجات دلائیں۔