آئی سی سی نے ویمن ورلڈکپ میں پاکستانی کپتان فاطمہ ثنا کی پریس کانفرنس کے دوران صحافیوں کو سیاسی سوالات کرنے سے روک دیا ہے۔
ایشیا کپ میں پاک بھارت ٹیموں کے درمیان پیدا ہونے والے تنازعات کے بعد آئی سی سی نے ویمن ورلڈکپ کو ایسے مسائل سے بچانے کے لیے سخت ہدایات جاری کی ہیں۔
پریس کانفرنس کے دوران جب صحافیوں نے دبے لفظوں میں پاک بھارت موجودہ سیاسی صورتحال پر سوالات کیے، تو آئی سی سی کی میڈیا منیجر سیپوا کازی نے فوری طور پر واضح کیا کہ پریس کانفرنس میں صرف کرکٹ سے متعلق سوالات کیے جائیں گے اور سیاسی معاملات پر کوئی سوال نہیں ہوگا۔ حتیٰ کہ ہینڈشیک کے بارے میں بھی سوالات ممنوع ہیں۔
آئی سی سی نے میچ ریفری کو ہٹانے کی پاکستان کی درخواست مسترد کر دی: بھارتی میڈیا کا دعویٰ
اس پابندی کے بعد کپتان فاطمہ ثنا نے اپنی ٹیم کی بھارت کے خلاف میچ کی تیاریوں کے بارے میں بات کی اور کہا کہ وہ صرف کرکٹ پر فوکس کر رہی ہیں۔ انہوں نے بتایا کہ بنگلادیش سے شکست کے باوجود ٹیم ایونٹ سے باہر نہیں ہوئی اور کم بیک کے لیے پرعزم ہے۔
فاطمہ نے مزید کہا کہ پہلے ٹیموں کے ساتھ اچھا میل جول ہوتا تھا لیکن اب سب کی اولین ترجیح صرف کرکٹ کھیلنا ہے اور وہ سیاسی حالات سے آگاہی کے باوجود اپنی ٹیم کے ساتھ مکمل توجہ کرکٹ پر مرکوز رکھے ہوئے ہیں۔
کپتان نے اپنی کم عمری میں کپتانی کے اعزازات حاصل کرنے اور ٹیم میں سینئر کھلاڑیوں کی سپورٹ پر بھی روشنی ڈالی۔
