انسدادِ دہشت گردی عدالت (اے ٹی سی) اسلام آباد نے جوڈیشل کمپلیکس حملہ کیس میں پاکستان تحریک انصاف (پی ٹی آئی) کے مرکزی رہنما شبلی فراز سمیت دیگر رہنماؤں کے ناقابلِ ضمانت وارنٹ گرفتاری جاری کر دیے۔
عدالت کی جانب سے یہ وارنٹ تھانہ رمنا میں درج مقدمہ نمبر 153/23 میں جاری کیے گئے۔ اے ٹی سی کے جج طاہر عباس سپرا نے وارنٹس جاری کرتے ہوئے پولیس کو فوری کارروائی کی ہدایت کی۔
وارنٹ گرفتاری حاصل کرنے والوں میں شبلی فراز کے علاوہ پی ٹی آئی کے دیگر رہنما میجر (ر) طاہر صادق اور علی نواز اعوان بھی شامل ہیں۔
جوڈیشل کمپلیکس حملہ کیس: اسد قیصر سمیت دیگر کے ناقابل ضمانت وارنٹ گرفتاری جاری
عدالت نے اس موقع پر بانی پی ٹی آئی عمران خان سے متعلق وزارتِ داخلہ کو ایک مرتبہ پھر خط جاری کرنے کی ہدایت کی ہے، جبکہ عمران خان کے بھانجے حسان نیازی سے متعلق رپورٹ طلب کر لی گئی ہے۔
یاد رہے کہ اسی مقدمے میں پی ٹی آئی رہنما مراد سعید اور حماد اظہر کو پہلے ہی مفرور (اشہتاری) قرار دیا جا چکا ہے۔
عدالت نے کیس کی مزید سماعت یکم نومبر تک ملتوی کر دی ہے۔ پی ٹی آئی رہنماؤں پر الزام ہے کہ انہوں نے بانی چیئرمین عمران خان کی عدالت میں پیشی کے موقع پر جوڈیشل کمپلیکس میں توڑ پھوڑ اور ہنگامہ آرائی کی، جس پر انسدادِ دہشت گردی ایکٹ کے تحت کارروائی کی جا رہی ہے۔
