9
وزیراعظم شہباز شریف امریکا کے اہم دورے کے بعد جنیوا پہنچے، جہاں انہوں نے مسلم لیگ (ن) کے قائد اور سابق وزیراعظم نواز شریف سے ملاقات کی اور ان کی خیریت دریافت کی۔
ملاقات کے دوران وزیراعظم نے نواز شریف کو اپنے حالیہ امریکا کے دورے اور امریکی صدر ڈونلڈ ٹرمپ سے ہونے والی ملاقات کے حوالے سے بھی تفصیلات سے آگاہ کیا۔ شہباز شریف نے نواز شریف کی صحت پر اطمینان کا اظہار کیا۔
یاد رہے کہ نواز شریف گزشتہ ہفتے جنیوا کے ایک اسپتال میں دل کے پروسیجر کے لیے داخل تھے اور 7 روزہ علاج کے بعد گزشتہ روز اسپتال سے ڈسچارج ہوئے۔ فی الحال وہ جنیوا کے ایک ہوٹل میں بیٹے حسن نواز اور ذاتی معالج ڈاکٹر عدنان کے ہمراہ قیام پذیر ہیں۔
خاندانی ذرائع کے مطابق نواز شریف کی صحت اب بہتر ہے اور ان کا علاج اسی سرجن نے کیا ہے جو کئی برسوں سے ان کے معالج ہیں۔
وزیراعظم شہباز شریف جنیوا سے لندن روانہ ہو چکے ہیں، جہاں وہ چند روز قیام کریں گے۔
