123
لالہ موسیٰ: گجرات کے علاقے پسوال چوک، لالہ موسیٰ میں دو نامعلوم مسلح ڈاکوؤں نے واردات کرتے ہوئے دو سگے بھائیوں کو گن پوائنٹ پر لوٹ لیا اور مزاحمت کرنے پر ایک کو گولی مار کر زخمی کر دیا۔
پولیس کے مطابق، یہ واقعہ محلہ شاد باغ لالہ موسیٰ کے رہائشی بھائیوں وارث علی اور ریاست علی کے ساتھ پیش آیا۔ مسلح ڈاکوؤں نے دونوں بھائیوں کو روکا اور ان سے 25 ہزار روپے نقدی اور موبائل فون چھین لیے۔
جب ریاست علی نے مزاحمت کی تو ڈاکوؤں نے اسے ٹانگ میں گولی مار کر شدید زخمی کر دیا اور موقع سے فرار ہو گئے۔ زخمی ریاست علی کو فوری طور پر ہسپتال منتقل کیا گیا۔
پولیس تھانہ صدر لالہ موسیٰ نے واقعے کا مقدمہ درج کر لیا ہے اور ملزمان کی تلاش شروع کر دی ہے۔
گجرات میں پولیس مقابلہ، کانسٹیبل عاصم نواز فائرنگ سے زخمی
