پنسلوینیا: امریکی ریاست پنسلوینیا کے علاقے یارک کاؤنٹی میں ایک مسلح شخص نے پولیس پر اندھا دھند فائرنگ کردی، جس کے نتیجے میں 3 پولیس اہلکار ہلاک جبکہ 2 شدید زخمی ہوگئے۔
امریکی میڈیا کے مطابق فائرنگ کے فوری بعد پولیس نے جوابی کارروائی کرتے ہوئے حملہ آور کو موقع پر ہی ہلاک کر دیا۔ واقعے کے بعد علاقے میں خوف و ہراس پھیل گیا۔ پولیس نے جائے وقوعہ کو گھیرے میں لے کر تحقیقات شروع کر دی ہیں۔
حکام کا کہنا ہے کہ ہلاک ملزم کی شناخت فی الحال ظاہر نہیں کی جا رہی، تاہم ابتدائی شواہد کی بنیاد پر مکمل رپورٹ جلد جاری کی جائے گی۔
فائرنگ کے زخمی اہلکاروں کی حالت نازک بتائی جا رہی ہے، جنہیں قریبی اسپتال منتقل کر دیا گیا ہے۔ واقعے کے محرکات جاننے کے لیے فیڈرل اور ریاستی ایجنسیاں مل کر تحقیقات کر رہی ہیں۔
امریکا کا اسرائیلی گروپ کو فلسطینی امداد کے لیے اربوں ڈالر دینے کا اعلان
اس واقعے سے قبل امریکی نیول اکیڈمی میں بھی فائرنگ کا ایک واقعہ پیش آیا تھا، جہاں ایک سابق مڈشپ مین نے خود کو ملٹری پولیس اہلکار ظاہر کرتے ہوئے ہاسٹل کے دروازوں پر دستک دی اور خوف و ہراس پھیلایا۔ اس واقعے کے بعد نیول اکیڈمی میں عارضی لاک ڈاؤن نافذ کیا گیا تھا۔
