6
گجرات: سروس موڑ سے نور بیکری، شادمان کالونی تک رحمٰن شہید روڈ کی تعمیر کے لیے 29 کروڑ روپے مالیت کا ٹینڈر سپرنٹنڈنگ انجینئر (SE) آفس ہائی وے میں ٹینڈرنگ کمیٹی ممبران کی موجودگی میں کھولا گیا۔
اس منصوبے کے لیے ٹھیکیداروں کے درمیان سخت مقابلہ دیکھنے میں آیا، جہاں حاجی پرویز کھاریاں نے 37 فیصد کم ریٹ دے کر ٹینڈر حاصل کر لیا۔ دیگر بولی دہندگان میں انصر سیان اور شیخ محمد عمر بھی شامل تھے۔
ایکسین ہائی وے محمد یونس کاہلی نے میڈیا سے گفتگو کرتے ہوئے بتایا کہ پرفارمنس سیکیورٹی جمع کروانے کے بعد ہی ٹھیکیدار کو باقاعدہ ورک آرڈر جاری کیا جائے گا۔
انہوں نے یقین دہانی کرائی کہ رحمٰن شہید روڈ، جو گجرات شہر کا ایک اہم مرکزی راستہ ہے، اس کی تعمیر میں کسی قسم کے معیار پر سمجھوتہ نہیں کیا جائے گا اور اعلیٰ معیار کو یقینی بنایا جائے گا۔
