ایشیا کپ 2025 کے دوران پاکستان اور متحدہ عرب امارات کے درمیان میچ سے قبل پاکستان کرکٹ بورڈ (پی سی بی) نے متنازع میچ ریفری اینڈی پائی کرافٹ کو تبدیل نہ کرنے پر ایک بار پھر انٹرنیشنل کرکٹ کونسل (آئی سی سی) کو خط لکھ دیا ہے۔
پی سی بی نے خط میں سخت مؤقف اختیار کرتے ہوئے واضح کیا ہے کہ اگر مطالبہ تسلیم نہیں کیا گیا تو پاکستان اپنی شرکت پر نظرِ ثانی کرے گا اور بائیکاٹ کے آپشن کو برقرار رکھے گا۔
ذرائع کے مطابق پی سی بی نے آئی سی سی کی جانب سے پائی کرافٹ کے خلاف کی گئی انکوائری کو محض رسمی کارروائی قرار دیا ہے اور اسے ناکافی سمجھا ہے۔
اینڈی پائی کرافٹ معاملہ: پی سی بی مؤقف پر قائم، درمیانی حل کی کوششیں جاری
بورڈ کا کہنا ہے کہ جب تک تمام تحفظات دور نہیں کیے جاتے اور امپائر کی تبدیلی کا باضابطہ اعلان نہیں کیا جاتا، تب تک ٹیم کی شرکت کی مکمل رضامندی ظاہر نہیں کی جائے گی۔
