کراچی: ماضی کی معروف اداکارہ اور حالیہ رئیلیٹی شو "تماشا سیزن 4” کی شریکِ اداکارہ سارہ عمیر نے تصدیق کی ہے کہ ان کی اور شوہر محسن طلعت کی شادی کا اختتام ہو چکا ہے۔ اداکارہ نے یہ انکشاف معروف میزبان حسن چوہدری کے پروگرام میں گفتگو کے دوران کیا۔
سارہ عمیر کا کہنا تھا کہ ان کی شادی کو 9 سال ہو چکے تھے، تاہم وہ اور ان کے سابق شوہر ابکراچی: ماضی کی معروف اداکارہ اور حالیہ رئیلیٹی شو "تماشا سیزن 4” کی شریکِ اداکارہ سارہ عمیر نے تصدیق کی ہے کہ ان کی اور شوہر محسن طلعت الگ ہو چکے ہیں۔ ان کا کہنا تھا کہ طلاق کچھ ہفتے پہلے ہوئی، اور وہ اس وقت ایک مشکل ذہنی دور سے گزر رہی تھیں۔ اسی دباؤ اور ذاتی الجھنوں سے نجات کے لیے انہوں نے "تماشا” جیسے رئیلیٹی شو میں شرکت کی۔
اداکارہ کے مطابق، شو کے دوران گزارے گئے چھ ہفتے ان کے لیے ایک جذباتی آزمائش تھے، کیونکہ وہ پہلی بار اپنے دو کم عمر بچوں سے اتنے دنوں کے لیے دور رہیں۔ انہوں نے بتایا کہ ان کا بڑا بیٹا 6 سال اور چھوٹا بیٹا 4 سال کا ہے، اور وہ ان سے کبھی 24 گھنٹے کے لیے بھی جدا نہیں ہوئیں۔
سارہ عمیر نے کہا کہ اس شو میں شمولیت کا ایک مقصد اپنے حوصلے اور صبر کی آزمائش کرنا بھی تھا، جیسا کہ ان کی والدہ چاہتی تھیں۔ "تماشا” نے انہیں سکھایا کہ تھوڑے وقت میں کس طرح کام نمٹایا جا سکتا ہے، اور صبر کا سبق سب سے قیمتی رہا۔
اداکارہ نے مزید کہا کہ ان کے اور ان کے سابق شوہر کا تعلق ایک ہی پروفیشن سے تھا، جس کی وجہ سے ذاتی اور پیشہ ورانہ زندگی میں اکثر آمنے سامنے آنے کے مسائل پیدا ہوتے تھے۔ اس لیے انہوں نے چند ہفتے قبل یہ فیصلہ لیا کہ الگ ہو جانا ہی بہتر ہے۔
سارہ نے اپنی شادی اور تعلق کے بارے میں بھی تفصیلات بتائیں۔ ان کے مطابق، ان کی محسن طلعت سے ملاقات اس وقت ہوئی جب وہ محض 17 سال کی تھیں اور محسن کی عمر 27 سال تھی۔ دونوں کے درمیان محبت کا رشتہ قائم ہوا جو تقریباً 20 سال پر محیط رہا، جس میں سے 9 سال ازدواجی زندگی پر مشتمل تھے۔
انہوں نے "تماشا” میں شرکت کو ایک ذہنی سکون کی جگہ قرار دیا، جہاں کوئی تعلق، ملاقات، یا فون جیسا رابطہ نہیں تھا۔ ان کا کہنا تھا کہ یہ وقت ان کے لیے ایک وقفہ ثابت ہوا، جس نے انہیں اپنے اندر جھانکنے اور خود کو سنبھالنے کا موقع دیا۔
