321
لاہور کی سیشن عدالت نے معروف یوٹیوبر رجب بٹ کے خلاف مبینہ توہین مذہب سے متعلق مقدمہ درج کرنے کی درخواست پر تحریری فیصلہ جاری کر دیا ہے۔
یہ درخواست شہری شہزادہ عدنان کی جانب سے دائر کی گئی تھی، جس میں مؤقف اپنایا گیا کہ رجب بٹ نے اپنے بیانات میں توہین آمیز کلمات ادا کیے ہیں، جو مذہبی جذبات کو مجروح کرتے ہیں۔
درخواست گزار نے عدالت کو بتایا کہ اس نے نیشنل سائبر کرائم انویسٹی گیشن ایجنسی (NCCIA) کو شکایت جمع کروائی تھی، لیکن ادارے کی جانب سے کوئی عملی اقدام نہیں اٹھایا گیا۔
عدالت نے ایڈیشنل سیشن جج شفقت شہباز راجہ کی سربراہی میں فریقین کے دلائل سننے کے بعد تحریری حکم جاری کرتے ہوئے NCCIA کو ہدایت کی ہے کہ وہ درخواست کا جائزہ لے کر قانون کے مطابق کارروائی کرے۔
ڈکی بھائی نے عدالتی ریمانڈ کے بعد ضمانت کی درخواست دائر کردی
فیصلے میں واضح کیا گیا ہے کہ سائبر کرائم ایجنسی کو معاملے کو متعلقہ قوانین کی روشنی میں دیکھنا ہوگا، تاکہ انصاف کے تقاضے پورے کیے جا سکیں۔
