5
میکسیکو کے جنوب مشرقی میکسیکو سٹی کے قریب ایک ہائی وے پر گیس ٹینکر کے الٹنے اور پھٹنے سے تین افراد جاں بحق اور تقریباً 70 زخمی ہوگئے۔
واقعے کے فوری بعد آگ بھڑک اٹھی جس نے ٹینکر کو اپنی لپیٹ میں لے لیا اور کچھ قریبی گاڑیاں بھی آگ کی زد میں آ گئیں۔
ریسکیو ٹیمیں اور فائرفائٹرز موقع پر پہنچ کر آگ بجھانے کی کارروائی میں مصروف ہوگئے اور زخمیوں کو فوری طور پر قریبی اسپتال منتقل کیا گیا۔ میکسیکو کے میئر نے تصدیق کی کہ حادثے میں مائع پیٹرولیم گیس سے بھرا ٹینکر ملوث تھا جس کی وجہ سے صورتحال مزید سنگین ہو گئی۔
یہ حادثہ اس ہفتے میکسیکو میں ہائی ویز پر پیش آنے والا دوسرا بڑا حادثہ ہے، جس نے علاقے میں تشویش کی لہر دوڑا دی ہے۔ حکام مزید تحقیقات کر رہے ہیں تاکہ حادثے کی وجوہات کا پتہ لگایا جا سکے۔
