9
ایشیا کپ 2025 کے دوسرے میچ میں بھارت نے متحدہ عرب امارات (یو اے ای) کو با آسانی 9 وکٹوں سے شکست دے کر اپنی ٹی ٹوئنٹی تاریخ کا نیا ریکارڈ قائم کر دیا۔
بھارتی کپتان سوریا کمار یادیو نے ٹاس جیت کر پہلے یو اے ای کو بیٹنگ کی دعوت دی، جو صرف 13.1 اوورز میں 57 رنز بنا کر ڈھیر ہو گئی۔ بھارت کے باؤلرز نے شاندار کارکردگی کا مظاہرہ کرتے ہوئے حریف ٹیم کو کھل کر کھیلنے کا موقع نہ دیا۔
جوابی اننگز میں بھارتی ٹیم نے 58 رنز کا ہدف صرف 4.3 اوورز میں ایک وکٹ کے نقصان پر حاصل کرلیا، یعنی 93 گیندیں باقی تھیں—جو بھارت کی ٹی ٹوئنٹی انٹرنیشنل تاریخ کا تیز ترین ہدف حاصل کرنے کا نیا ریکارڈ بن گیا ہے۔
ایشیا کپ 2025: جیتنے والی ٹیم کو کتنی انعامی رقم ملے گی؟ تفصیلات سامنے آگئیں
یہ کامیابی نہ صرف ایشیا کپ میں بھارت کی مضبوط برتری کی علامت ہے، بلکہ اس سے ٹیم کے جارحانہ انداز اور اعتماد کا بھی واضح اظہار ہوتا ہے۔
