100
وفاقی دارالحکومت اسلام آباد کے علاقے رمشا کالونی میں ایک گھر سے باپ، بیٹے اور بیٹی کی لاشیں برآمد ہوئی ہیں، جس سے علاقے میں خوف و ہراس پھیل گیا ہے۔
واقعہ تھانہ آئی نائن کی حدود میں پیش آیا، جہاں مقامی افراد کی اطلاع پر پولیس موقع پر پہنچی اور گھر کی تلاشی کے دوران تین لاشیں برآمد کیں۔
پولیس نے لاشیں اسپتال منتقل کر دیں، پوسٹ مارٹم رپورٹ کا انتظار
پولیس کے مطابق، تینوں متوفی ایک ہی خاندان سے تعلق رکھتے ہیں اور ان کی موت کی وجوہات تاحال معلوم نہیں ہو سکیں۔ لاشوں کو تحویل میں لے کر پوسٹ مارٹم کے لیے اسپتال منتقل کر دیا گیا ہے، جہاں رپورٹ کے بعد ہی یہ طے ہو سکے گا کہ اموات زہر خورانی سے ہوئیں یا کسی اور وجہ سے۔
تحقیقات کا آغاز، تمام پہلوؤں سے جائزہ
پولیس نے واقعے کی تحقیقات کا آغاز کر دیا ہے اور تمام ممکنہ پہلوؤں کو مدنظر رکھا جا رہا ہے۔ اہل علاقہ اور قریبی افراد سے بھی معلومات جمع کی جا رہی ہیں تاکہ واقعے کی اصل نوعیت سامنے آ سکے۔
