اڈیالہ جیل کے باہر صحافیوں پر حملے کا مقدمہ، ملزمان کو جیل بھیجنے کا حکم

انسداد دہشت گردی عدالت نے اڈیالہ جیل کے باہر صحافیوں پر ہونے والے حملے کے کیس میں گرفتار ملزمان راجہ سرفراز اور چوہدری نوید کو شناخت پریڈ کے لیے جیل بھیجنے کا حکم دے دیا ہے۔

یہ واقعہ اس وقت پیش آیا جب پی ٹی آئی کے کارکنوں نے علیمہ خان کے میڈیا سے بات چیت کے دوران صحافیوں پر تشدد کیا۔ متاثرہ صحافی نے علیمہ خان، نعیم پنجوتھہ اور 40 نامعلوم افراد کے خلاف مقدمہ درج کروایا تھا۔

عدالت نے سماعت کے دوران ملزمان کو شناخت پریڈ کے لیے دوبارہ جیل بھیجنے کے احکامات جاری کیے تاکہ ان کی شناخت میں آسانی ہو۔