پی ٹی آئی کا قومی اسمبلی اجلاس کے بائیکاٹ اور پارلیمنٹ کے باہر احتجاج کا فیصلہ

پاکستان تحریک انصاف (پی ٹی آئی) نے قومی اسمبلی اجلاس کی کارروائی کا بائیکاٹ کرنے کا فیصلہ کر لیا ہے۔

ذرائع کے مطابق پی ٹی آئی کے ارکانِ اسمبلی اجلاس میں صرف حاضری لگائیں گے اور اس کے بعد ایوان کی کارروائی میں شریک نہیں ہوں گے۔

پارلیمانی ذرائع کا کہنا ہے کہ پی ٹی آئی نے ساتھ ہی پارلیمنٹ ہاؤس کے باہر احتجاج کرنے کا بھی فیصلہ کیا ہے۔ اس ضمن میں پارلیمانی پارٹی کی سطح پر ارکان کو باضابطہ ہدایات جاری کی جا چکی ہیں کہ وہ احتجاج میں بھرپور شرکت یقینی بنائیں۔

پی ٹی آئی کی جانب سے یہ اقدام مبینہ انتخابی بے ضابطگیوں، سیاسی گرفتاریوں اور اسمبلی میں پارٹی کے ساتھ ناروا سلوک کے خلاف ردِعمل کے طور پر سامنے آ رہا ہے۔