17
انسدادِ دہشتگردی عدالت راولپنڈی نے 26 نومبر کو ہونے والے احتجاج کے مقدمے میں پاکستان تحریکِ انصاف کے بانی عمران خان کی بہن علیمہ خان کی عبوری ضمانت میں 10 ستمبر تک توسیع کر دی ہے۔
عدالتی کارروائی کے دوران، جج امجد علی شاہ کی رخصت کے باعث سماعت ملتوی کر دی گئی۔ عدالت نے علیمہ خان کے ساتھ ساتھ نعیم حیدر پنجھوتھا، اعظم سواتی اور دیگر شریک ملزمان کی ضمانتوں میں بھی اسی تاریخ تک توسیع کر دی ہے۔
یاد رہے کہ علیمہ خان کے خلاف تھانہ صادق آباد، راولپنڈی میں مقدمہ درج ہے، جس میں ان پر 26 نومبر کو ہونے والے احتجاج میں مبینہ کردار کا الزام ہے۔
مزید سماعت اب 10 ستمبر کو متوقع ہے، جس میں کیس کی پیش رفت کا جائزہ لیا جائے گا۔
