938
گجرات کے نواحی گاؤں چکوڑی بکھو میں گاہک نے مبینہ طور پر سگریٹ ادھار نہ ملنے پر دکاندار کو فائرنگ کرکے قتل کردیا، واقعے میں 2 افراد زخمی ہوگئے، ملزم فرار۔
گجرات میں افسوسناک واقعہ پیش آیا جہاں مبینہ طور پر ادھار سگریٹ نہ دینے پر گاہک نے فائرنگ کرکے دکاندار کو قتل کردیا۔
تفصیلات کے مطابق نواحی گاؤں چکوڑی بکھو میں فائرنگ کے نتیجے میں 50 سالہ دکاندار ارشد جاں بحق ہوگیا جبکہ دو افراد فیاض اور تصور شدید زخمی ہوگئے۔
پولیس کے مطابق واقعہ اس وقت پیش آیا جب گاہک نے دکاندار سے سگریٹ ادھار مانگا لیکن انکار پر طیش میں آکر فائرنگ کردی۔ واردات کے بعد ملزم موقع سے فرار ہوگیا۔
پولیس نے لاش کو پوسٹ مارٹم کے لیے اسپتال منتقل کردیا ہے جبکہ زخمیوں کو طبی امداد فراہم کی جا رہی ہے۔ ملزم کی گرفتاری کے لیے چھاپے مارے جا رہے ہیں۔
